News
މަރުކަޒުގެ 20 ވަނަ ޤުރުއާން ކިޔެވުމުގެ މުބާރާތުގެ ނަތީޖާފާޅުކުރުމުގެ ޖަލްސާ ބާއްވައިފި
މަރުކަޒުގެ 20 ވަނަ ޤުރުއާން ކިޔެވުމުގެ މުބާރާތުގެ ނަތީޖާފާޅުކުރުމުގެ ޖަލްސާ މަރުކަޒުގެ ގޯތިތެރޭގައި 20 އޭޕްރީލް 2011 ވީ ބުދަ ދުވަހުގެރޭ ބާއްވައިފި އެވެ. މިޖަލްސާގެ ޝަރަފްވެރި މެހްމާނަކީ މީދޫ ކައުންސިލް އިދާރާގެ ނައިބްރައީސް އިބްރާހީމް މޫސާއެވެ. މިޖަލްސާގައި ވަނަތަކަށް ހޮވުނު ދަރުވަރުންނަށް ފައިސާގެ އިނާމާއި ތަށި ސްޕޮންސަރ ކޮށްދެއްވާފައިވަނީ ރަށުގެ ވިޔަފާރިވެރިންނާއި މަރުކަޒުގެ ބެލެނިވެރިން އަދި ހެޔޮއެދޭ ފަރާތްތަކުންނެވެ. ޤުރުއާން ކިޔެވުމުގެ މުބާރާތުން ބަލައިގެން ކިޔެވުމުގެ ބައިން މުޅިމުބާރާތުން 1 ވަނައަށް ދިޔައީ ގްރޭޑް 10 ބީ ގެ ދަރިވަރު އަރީޝް އަބުދުލް މުޙްސިން އެވެ. އަދި ހިތުން ކިޔެވުމުގެބައިން މުޅިމުބާރާތުން 1 ވަނައަށް ދިޔައީ ގްރޭޑް 8 އޭ ގެ ދަރިވަރު ފާޠިމަތު ޒޫނާއެވެ. ވަރަށްކުލަގަދަކޮށް ބޭއްވިގެންދިޔަ މިޖަލްސާގައި އަތޮޅު ޤުރުއާން ކިޔެވުމުގެ މުބާރާތުގައި މީދޫ ތަމްސީލްކުރާ ކުދިން އިޢްލާން ކުރުން އޮތެވެ. އެގޮތުން ބަލައިގެން ކިޔެވުމުގެ ގޮފީގައި 10 ދަރިވަރުން އަދި ހިތުންކިޔެވުމުގެ ގޮފީގައި 5 ދަރިވަރުން ބައިވެރިވެއެވެ