News
;ސީ.އެފް.އެސް ގެ ސްޕޯޓްސް ފެސްޓިވަލް
ކޮންމެ އަހަރަކު ގްރޭޑް 4 ން ދަށުގެ ކުދިންނަށް އަމާޒުކޮށްގެން ރ. އަތޮޅު ތަޢުލީމީ މަރުކަޒުގައި ކުރިއަށްގެންދާ ސްޕޯޓްސް ފެސްޓިވަލް ފޯރިގަދަ ކުޅިވަރުތަކަކާއިއެކު ނިމިގެން ހިނގައްޖެއެވެ. ދެދުވަހަށް ދެމިގެންދިޔަ މިފެސްޓިވަލްގެ މައިގަނޑު މަޤްޞަދަކީ ކުދިންގެ ކިބައިގައި ކުޅިވަރުގެ ހުނަރުތައް އާލާކޮށް ތަރައްޤީކުރުމާއި، ވާދަވެރި ރޫހެއްގައި ސީ.އެފް.އެސް ދަރިވަރުންނަށް ވާދަކުރުމުގެ ފުރުޞަތު ހޯދާދިނުމެވެ. އަދި ބެލެނިވެރިންނާއި ސްކޫލާއި ދެމެދު އުފެދިފައިވާ ގުޅުން ހަރުދަނާކުރުމެވެ.މިފެސްޓިވަލްގައި ހަރަކާތްތައް ކުރިއަށްދަނީ ޓީމްތަކަކަށް ކުދިން ބަހާލައިގެން ޓީމްތަކުގެ މެދުގައެވެ. އެގޮތުން ފިރިހެންކުދިނަށް ބޭއްވުނީ ފުޓްބޯޅަ އަދި އަންހެންކުދިންނަށް ބޭއްވުނީ ކޯންބޯލް އެވެ. މީގެއިތުރުން ބެލެނިވެރިންގެ މެދުގައިވެސް ހާއްޞަކުޅިވަރުތަކެއް ބޭއްވުނެވެ. ފެސްޓިވަލްގެ އެންމެ ހައްޞަކަމަކީ ދަރިވަރުންނަށް، ބެލެނިވެރިން ތައްޔާރުކުރާ ހެނދުނުގެ ނާސްތާއެވެ. އެގޮތުން ދުޅަހެޔޮ ސިއްހަތަކަށް ބޭނުންވާ ބައިތައް އެކުލެވޭގޮތުން ތައްޔާރުކޮށްފައިވާ ހެނދުނުގެސައި އޮތީ ރ. އަތޮޅު ތަޢުލީމީ މަރުކަޒުގައެވެ.